ప్రశ్న: నాకు పెళ్లై ఆరు నెలలైంది. ఈమద్య కాలంలో లైంగికంగా ఎప్పుడు కలిసే ప్రయత్నం చేసినా యోని పొడిగా మారి ఇబ్బంది పెడుతోంది. తేమ లోపించటం మూలంగా కలయిక కష్టమౌతోంది. ఇందుకు కారణమేంటో అర్థం కావటం లేదు?జవాబు: కలయిక సులువుగా జరగాలంటే యోని లోపలి బర్తొలిన్ గ్రంథులు సహజ స్రావాలను స్రవించాలి. అప్పుడే యోని జారుడుగా తాయారవుతుంది. ఫోర్ ప్లే తగ్గినా, సెక్స్ మీద, భాగస్వామి మీద ఆసక్తి సన్నగిల్లినా ఈ స్రావాలు స్రవించక యోని పొడిగా తయారవుతుంది. గతంలో ఏదైనా ఇన్ఫెక్షన్కు గురైనా యోని డ్రైగా తయారవుతుంది. ఇన్ఫెక్షన్ కారణం కాకపోతే వాటర్ బేస్డ్ లూబ్రికెంట్ జెల్లీ వాడి చూడండి. దీన్ని కలయిక ముందు తగినంత పరిమాణంలో యోని లోపలి గోడలకు అప్లై చేస్తే కలయిక నొప్పి లేకుండా జరిగిపోతుంది. ఈ జెల్లీ అన్ని మెడికల్ షాపుల్లో దొరుకుతుంది.
